Nakaganar sang 157 million views ang isa ka video nga ginpost sa isa ka social media platform nga nagapakita lamang sang isa ka fireplace nga may tunog sang nagakasunog nga gatong nga kahoy nga nagalawig sang 10 ka oras.
Nagdangat sa 157 million ang views sang nasambit nga video makaligad sang 10 ka tuig.
Bangud gin-monetize ang video humalin pa sang gin-upload ini sang 2016, ginabanta nga nakabaton ang creator sang video sang masobra 1 million dollars ukon P58 million.
Isa ka pamaagi nga nadiskubrehan sang mga creators para makakuha sang madamo nga viewers amo ang paghimo sang malawig nga videos nga ginbutang lamang sang naka-loop nga background sound.
Apang ang channel nga ginhingadlan nga “Fireplace 10 hours” ang may isa lamang ka upload sa sulod sang napulo ka tuig, gani makatilingala kun paano nakahimo sang dako nga balor sang kwarta gikan sa mga advertisement.
Ang nasambit nga video ang nagapakita nga kun kaisa, indi kinahanghalan maghimo sang magastos nga video, magkuha sang video editors, ukon mag post kada adlaw.
