Tuman ang kalipay sang 10 ka mga nagdaog sa palengke draw sang Swerte Sa Palengke Promo 2024 sang Bombo Radyo kag Star FM nga ginpatigayon sa Libertad Public Market kaina sang aga.
Ang mga palengke draw winners ang nagbatun sang P1,000 cash kag balor P500 nga gift pack.
Tuman ang kalipay ni Marilou Barte sang Purok San Roque, Barangay Handumanan, Bacolod City, matapos nga siya ang napilian pinaagi sa ginhulog nga Revicon.
Ang nadag-an nga cash ang gamiton naman sini sa pagbakal sang dugang pa nga proof of purchase.
Samtang tuman man ang kalipay ni Marian Lopez, sang Barangay 30, Bacolod City, matapos magabutan ang iya ginhulog nga surf powder.
Dako na nga bulig para sa iya ang nabatun nga P1,000 cash kag P500 nga gift pack.
May inugbakal naman sang school supplies si Rizalie Gelisanga sang Purok Cereza, Barangay 3, Bacolod City matapos mangin isa sa mga palengke draw winners.
Siya ang nagdaog pinaagi sa proof of purchase nga orocan label.
Samtang ang P1,000 cash nga nadaog ni Amado Villarosa Jr. sang Purok Pag-asa, Barangay Alijis, Bacolod City ang gamiton naman sini sa pagbakal sang bulong para sa iloy sini nga nagamasakit.
Ginapasalamatan man sini ang P500 nga gift pack pinaagi sa ginhulog sini nga surf powder.
Magluwas sa apat, napilian man bilang Palengke Draw winners sanday Flordeliza Hortilleza sang Purok Torre, Barangay Vista Alegre, Bacolod City pinaagi sa proof of purchase nga Whitfield; Roselyn Dellomo sang Purok Malipayon Rodriguez, Barangay 35, Bacolod City kag Catalina Beza sang Barangay Tabunan, Bago City nga lunsay naghulog sang proof of purchase nga surf powder.
Kasubong man sanday Nelia Amet nga naghulog sang sachet sang surf powder; Estrella De La Cruz nga naghulog sang coupon gikan sa R. Florete Pawnshop and Jewelry; Janilla Aliah Payo nga naghulog sang proof of purchase nga Gardenia; lunsay gikan sa Libertad Public Market.
