11 tanan ka barangay sa ciudad sang Himamaylan ang naga-eksperyensya sang kakulangan sang tubig bangod sa El Niño.
Suno kay Joefil Sombilon, Research and Planning Section Head sang City Disaster Risk Reduction Management Office (CDRRMO), duha gikan sa 11 ka mga barangay ang ginakabig nga yara sa critical status.
Suno diri, ang Barangay Mahalang kag Barangay Cabadiangan ang may yara sang mga deep well nga may kadalumon nga kapin sa 80 tubtob 90 feet apang wala gid ini sang tubig.
Kun sa tion naman nga may yara sang tubig, kun ini makuhaan, magahulat naman sang pila ka oras ang mga pumuluyo antes nga makakuha sa liwat.
Ginahatagan naman sang tubig ang mga barangay apang ini ang gina-rasyon agud mahatagan ang tanan ilabi na sa karun nga nagakabatyagan naman ang kakulangan sa tubig-ilimnon.
Sa karun, padayon pa ang validation sa mga apektado nga mga pumuluyo nga nagdangat na sa kapin sa 5,000 ang narecord nga affected families.
Kasubong man nga ginatun-an pa ang damage sa agrikultura sa ciudad kag amo na nga pagadesisyonan kun magadeklarar sang State of Calamity.
