Nalumos ang 13 anyos nga sulterito samtang duha naman ang nakasalbar matapos nga nagpaligo kaupod ang mga barkada sa suba sa boundary sang Barangay Cabug, Bacolod City kag Barangay Tabunan, Bago City, Biyernes sang hapon.
Suno kay Chris Dela Cruz, pinuno sang Bacolod City Rescue Team, 13 tanan ka mga kabataan ang ginapahayag nga nagpaligo sa Hinigpitan River kalakip na ang biktima nga si James Ballesteros sang Barangay Handumanan, ciudad sang Bacolod.
Ginapahayag nga nakabuya sa higot si Ballesteros kag gin-anod sang tubig nga gintunaan sang iya pagkalumos.
Wala nagaulan sag nagpaligo ang mga kabataan apang ginapahayag nga nagsaka ang tubig sa suba bangud sa taob.
Ang iban nga mga kaupod sang biktima ang nagpalauli samtang ang iban ang gindala sa Barangay Hall sang Barangay Cabug, Bacolod City agud nga mahatagan sang first aid.
Ang iban naman nga bata ang nakabatyag sang trauma.
Ginpahayag sang isa ka Barangay Health Worker sang Barangay Cabug, Bacolod City nga amu ang una nga nagresponde sa lugar nga santo sa pahayag sang mga kabataan nga naabtan sini, may kalat sila nga gingamit agud makasaka antes pa man natabo ang insidente.
Sang nagapasaka na ang mga kabataan suno kay Rain, may isa sila ka upod nga nangsasko kag hinali lang nga ginbuy-an ang kalat gani nadagdag ang tatlo ka mga menor-de-edad.
Nakasalbar ang duha ka kabataan apang wala na natabangan si Ballesteros.
