Gin-anunsyar sang Negros Power ang natalana nga 13 ka oras nga scheduled power interruption sa Domingo, Mayo 24, humalin alas-6:00 sang aga tubtob alas-7:00 sang gab-i.
Sa interview sang Bombo Radyo Bacolod kay Engr. Leomel Tambanillo, Assistant Vice President for Business Planning and Operation sang Negros Electric and Power Corporation, tatlo ka dako nga subststation ang ila paga-ubrahon gani malawig ang oras sang power interruption.
Kalakip diri ang Alijis, Reclamation kag Asdes-Gonzaga Substation.
Suno diri, apektado ang bilog nga Alijis Feeder 1, Alijis Feeder 2, Alijis Feeder 4, Alijis Feeder 5, Alijis Feeder 6, Reclamation Feeder 4, Reclamation Feeder 5, Asdes Gonzaga Feeder 2, Asdes Gonzaga Feeder 3 kag Asdes Gonzaga Feeder 5.
Apektado man ang bahin sang Alijis Feeder 3, Alijis Feeder 8 kag Murcia Feeder 1.
Suno diri, tinguhaan sang Negros Power nga mapadasig ang ila operasyon agud mahimo nga mapabalik hingagaw ang kuryente kag ginapangayo ang paghangop sa mga konsumedor.
