Kinse ka mga pasahero kag duha ka crew members ang narescue sang naglugdang ang isa ka pumpboat sa Sagay Marine Reserve, Sagay City kahapon.
Sa interview sang Bombo Radyo kay Sagay City Disaster Risk Reduction Management Office (CDRRMO) rescue volunteer Jansen Perez, pakadto kuntani ang pumpboat sa Carbin Reef sakay ang 15 ka mga pasahero kalakip na ang anom ka mga kabataan, isa ka senior citizen kag isa ka person with disability (PWD) sang nagsulod ang tubig kag naglugdang ini.
Suno kay Perez, pasado ala-una sang hapon sang makabaton sila sang tawag gani gilayon nga nagresponde ang mga miyembro sang Philippine Coast Guard, CDRRMO, Association of Sagay Ferry Boat kag mga nagapangisda.
Gilayon nga gindala ang mga narescue sa City Health Office agud nga matsekyar ang ila kondisyon.
May yara man sang doktor nga nagpatigayon sang psychological briefing.
Suno kay Perez, taga-ciudad sang Talisay kag Murcia ang mga pasahero kag padulong kuntani sa Carbin Reef agud maghiwat sang family reunion.
