-- ADVERTISEMENT --

Indi magnubo sa 16 ka mga persona ang nagkalamatay sa sunog nga nagluntad sa isa ka garment washing plant sa Bangladesh.

Ipaidalum pa sa DNA ang mga nadiskubre nga mga bangkay bangud halos indi na ang mga ini makilal-an matapos masunog.

Nagtipon ang mga himata sang biktima sa atubang sang nasunog nga apat ka panalgan nga building sa banwa sang Mirpur sa Dhaka region.

Nagdangat sa masobra tatlo ka oras antes nafire-out ang kalayo kun sa diin naulamid man ang atubang sang chemical warehouse.

Nagapadayon ang imbestigasyon sang mga otoridad sa nasambit nga insidente.

-- ADVERTISEMENT --