Aprubado na sang City Development Council sang Bacolod ang 160 million pesos nga supplemental investment program para sa COVID 19.
Kadungan sang pagsinapol sang CDC kahapon sa pagpanguna ni Mayor Evelio Leonardia, gin-aprubahan sang Konseho ang amo nga kantidad.
Ini ang ginalakipan sang pondo nga inugbakal sang dugang nga personal protective equipment para sa mga medical workers sa ciudad, test kits, P20 million para sa bio-laboratory testing facility sa Corazon Locsin Montelibano Memorial Regional Hospital kag mga food packs.
Ang supplemental investment program ang iga-endorso sang CDC sa Sangguniang Panlungsod agud nga maaprubahan sa session.
Ang 160 million pesos ang ginalakipan sang 119 million pesos nga supplemental fund nagikan sa isa ka bulan nga Internal Revenue Allotment sang Bacolod santo sa Bayanihan Grant samtang ang nabilin naman nga kantidad ang kuhaon sa iban nga savings sang ciudad.
