-- ADVERTISEMENT --
Patay ang duha ka mga drayber samtang yara sa kritikal nga kondisyon ang angkas sang isa sa mga napatay sa pagbunggu-anay sang duha ka mga motorsiklo sa Crossing Manucao, Sitio Linao, Barangay Bato banwa sang Hinigaran kagab-i.
Sa impormasyon nga nakuha sang Bombo Radyo Bacolod, gindeklarar nga dead on arrival sa Hinigaran Emergency Clinic sanday Jimel Maso, 21-anyos sang Barangay Aranda, Hinigaran kag Romeo Fabillar, 30-anyos kag residente sang Barangay Tagda sang amo man nga banwa.
Ang angkas ni Fabillar ang ginkilala kay Jenel Donea, 32-anyos ang gindala naman sa Corazon Locsin Montelibano Memorial Regional Hospital sa ciudad sang Bacolod para sa nagakaigo nga pagbulong matapos ini maka-angkon sang pilas sa ulo kag natuo nga tiil.
