Partially damaged ang duha ka classrooms, matapos magluntad ang sunog sa Kindergarten sang Inayawan Central School sa banwa sang Cauayan kaina sang kaagahon.
Sa interview sang Bombo Radyo Bacolod kay Fire Officer 2 Alfonso de Los Saniez II, fire arson investigator sang Bulata Fire Substation sang Cauayan Fire Station, ang sunog ang nagluntad alas-3:10 sang kaagahon.
Ini ang nareport sa ila alas 3:19 sang kaagahon.
Madasig naman ini nga nafireout alas-4:49 sang kaagahon, kag ang sunog ang nagdangat lang sa first alarm.
Duha ka classroom ang nahalitan, nga nagalapad sang 50 square meters, samtang ang ginabanta balor sang kahalitan ang nagadangat naman sa P300,000./
Ginapakamaayo na lamang nga wala na sang tawo sa eskwelahan sang natabo ang sunog.
Padayun pa ang imbestigasyon sang Cauayan Bureau of Fire Protection sa rasun sang sunog.
Apang ginalantaw na nga dako ang posibilidad nga ini ang electrical in nature bangod indi man residential ang nasunog ukon wala sang may nagaluto.
