3-anyos nga bata, patay matapos aksidente nga natiruhan sang 2-anyos sini nga pakaisa sa banwa sang Salvador Benedicto

Patay ang tatlo ka tuig nga bata matapos aksidente nga matiruhan sang duha ka tuig nga pakaisa sini sa Prk Mangga, Brgy Bunga, Salvador Benedicto, Negros Occidental sang Huwebes sang hapon, Marso 19, 2026.

Sa imbestigasyon sang Don Salvador Municipal Police Station, may nakita ang duha ka mga bata nga armas luthang sagwa sang balay sang biktim kag gindumdom sang mga ini nga hampanganan lamang ini.

Gindala sang duha ka mga bata ang armas-luthang sa kwarto sang tatlo ka tuig nga biktima.

Ginhampangan kag aksidente nga napitik sang duha ka tuig nga bata ang gatilyo sang armas-luthang kag natiruhan ang pakaisa sini.

Ang biktima ang nakaagom sang pilas sa dughan kag gindala pa sa ospital apang gindeklarar nga dead on arrival.