Gin-athag sang commander sang 302nd Infantry Brigade sang Philippine Army nga wala ginapahanugotan ang pag-inom inom sa military detachment santo sa polisa sang militar.
Kasunod sa natabo nga shooting incident sa Brgy Manlucahoc, ciudad sang Sipalay, Negros Occidental, kagab-i, kun sa diin napatay si Corporal Arnold Sumaribos matapos nga gintiro ni Sergeant Charlemagne Nabejet.
Sa interview sang Bombo Radyo Bacolod kay Brigadier General Joey Escanillas, wala ginatolerar ang pag-inom inom sa military detachment ilabi na nga wala sang supervision sang senior officers.
Nahibaluan naman nga wala sa area ang military detachment commander matapos nga isa ini sa nagresponde sa nagluntad nga engkwentro sa banwa sang Candoni.
Suno kay Escanillas, padayon pa ang imbestigasyon sa natabo nga shooting incident kag nagpasiguro nga mahatagan sang insakto nga penalidad ang may sala.
