Nagapanguna ang 6th District sang Negros Occidental sa may pinakamadamo nga numero sang mga iloy nga naga-edad sang 10 tubtub 14 sa probinsya.
Sa exclusive interview sang Bombo Radyo Bacolod kay Population and Development Division head Dr. Edmund Calaor, ginpahayag sini nga may yara sang 6,644 teenage moms provincewide ukon 14 porsyento sang mga iloy nga nagbata sa bilog nga probinsya.
Sang tuig 2018, 102 ka mga iloy nga naga-edad sang 10 tubtub 14 ang nagbun-ag sa Negros Occidental.
Nagikan sa kabug-usan nga numbero, 33 diri ang nagikan sa 6th district sang probinsya.
Nagagwa sa ila nga pagtuon nga nagapanguna ang ciudad sang Kabankalan nga may 22 kabilog nga mga teenage moms nga may edad 14 panubo.
Ang Bago City naman ang may yara sang 11 kabilog kag ang Cadiz ang may walo.
Nagapanugyan si Calaor sa mga teenage moms nga kun nagbata na ang isa ka teenager kuntani indi na ini masulit pa.
Nagalaom ang ila talatapan nga malab-ot ang zero repeated pregancy sa probinsya.
