Nagapati ka bala nga may yara sang tawo nga makasurvive sa pag-kaon lang sang tinapay, cereal kag sweets kag wala makaagi magtilaw sang prutas kag utan?
Ang 35 anyos nga si Thomas Sheridan ang nadiagnose sa avoidant restrictive food intake disorder (ARFID) kun sa diin bisan sa pagpaminsar lang sang pag-kaon sang prutas, utan, itlog kag karne ang nagapalain na sang iya pamatyag.
Nagasunod ini sa strict daily diet kun sa diin nagakaon lang ini sang duha ka tinapay, tatlo ka yahong sang cereal kag, madamo nga gummy candy.
Bangod sini, naga-inom lamang siya sang protein kag vitamin supplements, apang basta ini ang iya lang mauyonan.
Suno kay Thomas, nag-attempt ini sadto nga magluto sang itlog kag sausage kag sa tion nga natandog sang iya bibig ang itlog, nagsululuka ini.
Suno sa ginikanan sini, nag-umpisa ang pagpang-indi ni Thomas sa mga pagkaon sang 18 months pa lang ini.
Indi sini pagbuksan ang iya baba kun indi ini luyag ang pagkaon.
Nag-abiso man ang doktor nga pagutoman ini kag hatagan sang pagkaon apang wala ini nangin madinalag-on.
Sadto sang naga-eskwela pa ini, nagapauli lang si Thomas kun udto kag magkaon sang tinapay sa ila balay bangod indi sini maagwanta nga makita ang mga pagkaon sa ila eskwelahan.
