Ginsuguran na sang city government sang Bacolod ang pagpanagtag sang food packs sa masobra 40 mil ka mga households sa ciudad kadungan sang pagsugod sang enhanced community quarantine agud mapunggan ang paglapta sang coronavirus disease halin subong nga adlaw tubtub sa Abril 14.
Suno kay Vice Mayor El Cid Familiaran, amat-amat lang ang paghatag sang food packs kag unahon ang poorest of the poor.
Sa masunod nga semana, may dugang pa nga mga food pack nga ipanagtag.
Madumduman nga gin-aprubahan ni Mayor Evelio Leonardia ang pagrelease sang 30 million pesos nga pondo bilang initial funding sa Emergency Food Assistance Program sang ciudad para sa mga naidentiy nga indigent families kag iban pa nga mga residente sa 61 ka mga barangay sa ciudad.
Ang amo nga pondo ang gamiton sa pagbakal sang bugas, canned goods kag noodles bilang food assistance.
Ginpasalig naman sang mga city officials nga kun maubos na ang food packs, may yara pa sang nabilin nga pondo nga inugbakal.
