Ginbuyagyag ni former Ilocos Sur Governor Chavit Singson nga “ghost projects” ang 5,500 ka mga proyekto sa flood control nga ginrecord nga nahuman na sang administrasyon.
Suno kay Singson, matapos niya nga libuton ang nagkalain-lain nga bahin sang pungsod kag pagpakig-angot sa mga lokal nga opisyal, ginaalegar wala sang amo nga numero sang proyekto ang aktwal nga napatuman.
Madumduman nga ginpakigbahin ni President Ferdinand Marcos Jr. sa iya 2024 State of the Nation Address ang linibo ka flood control projects bilang kabahin sang paghanda sa mas makusog nga pag-ulan tuga sang La Niña.
Paathag pa ni Singson, handa ini magfile sang affidavit kag mga ebidensya sa Senate Blue Ribbon Committee inquiry, apang wala man nadayon ang natalana nga hearing.
Ginpahayag man ni Singson nga nagapakig-angot ini kay Sen. Panfilo “Ping” Lacson apang napaslawan nga magpresentar sang iya affidavit sa Senado.
![Pinterest](https://pinterest.com/pin/create/button/?url=https://bacolod.bomboradyo.com/5500-nga-flood-control-projects-nga-completed-na-sa-idalom-sang-marcos-administration-ghost-projects-suno-kay-former-ilocos-sur-gov-chavit-singson/&media=https://img.bomboradyo.com/bacolod/2026/05/GHOST-PROJECTS-REVELED-BY-CHAVIT.webp&description=5,500 nga flood control projects nga completed na sa idalom sang Marcos Administration, "ghost projects" suno kay former Ilocos Sur Gov. Chavit Singson){kind=link}