Posible nga dagdagan sang sanction sang Local Government Unit sang banwa sang Valencia, Negros Oriental ang anum ka foreign nationals nga namissing matapos maghiking sa Mount Talinis nga wala naglisensya.
Madumduman nga sang Marso 19, nagpatigayon sang day trekking sanday Alexander Radvanyi, Torsten Martin Groschupp, Wolfgang, Aldwin Fink, Terry, kag Anton Chernov, apang sila ang wala na nakapauli pa.
Una nga nakit-an ang duha sa banwa sang Valencia sang Marso 21 samtang ang apat naman ang nakit-an sa bahin sang banwa sang Amlan sang Marso 22.
Sa interview sang Bombo Radyo Bacolod kay Police Lt Stephen Polinar, spokesperson sang Negros Oriental Police Provincial Office, wala man sang injury ang anum ka foreign nationals kag ginpapauli matapos sila gin-examine.
Suno diri, ginahulat pa nila sa karun kun ano man ang mangin desisyon sang LGU kun bala dagdagan sang sanction ang anum nga wala naglisensya nga magtrekking.
Pahanumdom sini, sundon gid ang layi sang LGU kag mangayo gid sang guidance agud wala sang problema kag hilway ang tanan.
