-- ADVERTISEMENT --
Arestado ang 62 anyos nga lola sa drug buybust operation nga ginpatigayon sa Prk Langis, Brgy Banago, Bacolod City subong nga Martes Santo, Marso 31, alas-2:58 sang kaagahon.
Ang subject person ang ginkilala nga si Alyas Mang, kasado, residente sa lugar.
Ang operasyon ang ginpangunahan sang City Drug Enforcement Unit sang Bacolod City Police Office.
Kun sa diin narecover kay Alyas Mang ang anom ka sachet sang suspected shabu kalakip na ang buybust item nga ginabanta nagabug-at sang 25 grams nga nagabalor sang P170,000.
Ang suspect ang sa karun nakahunong sa Bacolod Police Station 3 kag natalana nga mangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.
-- ADVERTISEMENT --
