Nangin madinalag-on ang ginpatigayon nga turn-over kag change of command sang 79th Infantry Battalion sang Philippine Army nga ginpangunahan ni 3rd Infantry Division Commander Major General Michael Samson kaupod si Brigadier General Ted Dumusmog ang commander sang 303rd Infantry Brigade.
Ang nasambit nga aktibidad ang ginpatigayon sang Lunes, Hunyo 23.
Sa interview sang Bombo Radyo Bacolod kay 1st Lt. Dan Carlo Samoza, Civil Military Operations Officer sang 79th Infantry Battalion, nangin madinalag-on ang turn-over kag change of command.
Si outgoing 79th Infantry Battalion Commander Lt. Col. Arnel Calaoagan ang ginbuslan ni Lt Col. Eric Alfonso nga anay Assistant Chief of Staff for Training and Education.
Si Calaoagan ang ginre-assign bilang Assistant Chief of Staff for Training and Education sang 3rd Infantry Division sa Camp General Macario Peralta, Jamindan, Capiz.
Suno kay Samoza, ipadayunon ni Alfonso ang tanan nga mga naumpisahan ni Calaoagan bilang batallion commander sang 79th Infantry Battalion.
