Patay ang tatlo ka High Value Individual kalakip ang isa ka drug lord sa asod-asod nga engkwentro sa Sitio Napulangan 2, Brgy Jonob-jonob, Escalante City kahapon.
Ang mga napatay ang ginalakipan sang ginakabig drug lord kag may pending warrant of arrest nga si Joseph Moso Bindoy; kasubong man sanday Piolo Morning Regodos, residente sang Brgy Malasibog kag Roy Bagayo Manija Jr., residente sang Brgy Jonob-Jonob, Escalante City.
Sa inisyal nga impormasyon, ang operasyon ang ginpangunahan sang PDEA NIR upod sa pila ka units sang kapulisan kag 79th Infantry Battalion sang Philippine Army.
Ginapahayag nga si Bindoy nga may tatlo ka active warrant of arrest amo ang subject kuntani sa drug buybust operation kapin alas-2:00 kahapon sang hapon.
Apang ini ang nagtuyo pa nga magpalagyo tubtob nga ini ang nagsaka sa isa ka balay nga human sa light materials, kag didto na natabo ang pagbayluhanay sang lupok.
Nakuha sa iya ang M16 rifle nga may magazine nga naga-unod sang 23 ka 5.56mm live ammunition; kag mga sachet sang illegal nga droga.
Sa clearing operation, naka-engkwentro man sang otoridad kag sanday Regodos kag Manija pasado alas-7:00 kagab-i.
Ang duha ang nakuhaan naman sang cal. 45 pistol.
Ginapahayag nga may iban pa nga kaupdanan ang tatlo, gani tubtob sa karun, nagapadayun pa ang hot pursuit operation.
