BACOLOD CITY — Ginpaandaman sang Police Regional Office 6 ang mga pulis sa Western Visayas nga madakpan nga nagatulog sa duty.
Ini ang kasunod sang pagkadakop sa mga pulis sa idalom sang National Capital Region Police Office nga nagatulog kag may yara man sang hubog samtang nagaduty.
Sa interview sang Bombo Radyo, ginpahayag ni PRO 6 spokesperson Police Superintendent Gilbert Gorero nga warning ini sa tanan nga mga pulis sa bilog nga pungsod nga indi magpareho sa taga-NCRPO.
Suno kay Gorero, dapat doblehon pa gid sang mga pulis ang serbisyo bangud nagsaka ang sweldo sang uniformed personnel.
Panindugan ni Gorero, wala sang rason ang mga pulis nga magtulog sa trabaho bangud indi man 24 oras ang ila duty kundi shifting sa walo kag 12 ka oras bilang maximum.
Agud indi pagtuyuhon sa duty suno sa iya, dapat nga magpahuway gid ang mga pulis sa tion nga tapos na ang trabaho.
Ang sin-o man nga madakpan suno kay Gorero ang ipaidalom sa imbestigasyon agud mapinahan.
