Ginaathag sang Philippine National Police ukon PNP nga wala sila sang na-monitor nga na-verify nga pagpamahog batok kay Vice President Sara Duterte kag sa iya pamilya.
Ini ang ginpahayag sang PNP matapos ginpahayag ni Vice President Sara Duterte nga may yara sang pagpamahog sa iya kabuhi kag seguridad sang iya pamilya, lakip na ang gin-alegar nga threat nga natabo sang 2023.
Suno sa PNP, naghatag man sila sang security assistance para sa Bise Presidente sang nagpyansa ini sa Quezon City Regional Trial Court may kaangtanan sa iya kaso nga grave threats.
Ginkumpirmar sang ahensya nga hilway kag luwas nga nag-abot kag naghalin sa korte si Vice President Duterte.
Samtang, ginpasalig ni PNP Chief General Jose Melencio Nartatez Jr. nga bukas ang ila opisina sa bisan ano nga impormasyon nga may kaangtanan sa ginaalegar nga pagpamahog batok sa pamilya Duterte.
Suno sa hepe sang PNP, ila ini tsekyaron, i-assess, kag i-verify agud mahibaluan ang kamatuoran sa likod sang amo nga mga alegasyon.
