Nagapanawagan ang commander sang Coast Guard Station Negros Occidental sa mga Negrense nga luyag maghatag sang bulig sa mga biktima sang asod-asod nga linog sa Mindanao.
Sa interview kay Lt. Senior Grade Rockliff Buling, ginpahayag sini nga sarang gid mapalapit sa ila opisina sa Brgy. Banago, ciudad sang Bacolod ang mga maluyag magpadala sang bulig sa Mindanao.
Sa nahibaluan nga ang mga barko sang Philippine Coast Guard ang ginagamit sa pag-ship sang mga relief goods nga natipon sang Department of Social Welfare and Development (DSWD) Field Office VI para sa mga apektado sang linog sa Mindanao.
Nagligad pa nga Noviembre 1 nagsugod dul-ong ang PCG sang mga relief goods sa Mindanao.
Suno kay Buling, sa masunod nga inadlaw posible nga magabalik na naman sa Mindanao ang ila barko matapos nga nakapauli kagab-i.
