Magahatag sang bulig-pinansyal ang provincial government sang Negros Occidental sa mga biktima sang serye sang linog sa Mindanao.
Suno kay Governor Eugenio Jose “Bong” Lacson, ipa-check sini anay ang pondo sang probinsiya kun sarang nga makahatag sang P1,000,000 nga financial assistance sa pila ka bahin sang Mindanao.
Apang, ginapasiguro ni Lacson nga kun may yara man lang sang available nga pondo, gilayon sini nga ipadala ang bulig-pinansyal sa mga apektado nga lugar.
Madumduman nga nagpasalig man si Bacolod City Mayor Evelio “Bing” Leonardia nga magahatag man sang bulig-pinansyal ang city government kun sa diin ang pondo ang magahalin sa City Disaster Risk Reduction and Management Office (CDRRMO.
Madumduman nga gintay-og sang tatlo ka mga mabaskog nga linog ang pila ka bahin sang Mindanao sang nagligad nga Oktubre 16, 29 kag 31 nga nagbilin sang 22 nga patay kag ginatos ka mga pilason.
