Indi na magbakal sang school supplies para sa mga estudyante subong nga School Year 2020-2021 ang city government sang Bacolod bangud wala na sang matabo nga face to face learning.
Sa interview sang Bombo Radyo Bacolod kay Executive Assistant to the Mayor Moises Dela Cruz, ginpahayag sini nga may yara sang ginpain nga P125 million nga Special Education Fund (SEF) ang syudad sang Bacolod.
Suno kay Dela Cruz, ang pondo ang gamiton sa pagpatindog sang radio station para gamiton sang Department of Education (DepEd) Bacolod.
Kinahanglan man nga magbakal sang book duplicators, razor machines kag mga papel bangud libro lang ang ihatag sang Department of Education sa mga eskwelahan.
Ginpahayag man sini nga mabakal man sang laptop para sa mga manunudlo kag tablets para sa selected nga estudyante ilabi na ang sa Special Science Class.
Suno diri, wala pa ini nakahibalo kun pila ka laptops kag tablets mabakal sang syudad.
Himuan na sa masunod nga semana sang purchase request ang nasambit nga balaklon.
