Maga-abot na sa katapusan nga semana sang Mayo ang mga libre nga school supplies nga ipanagtag sa mga estudyante halin kinder tubtob grade 12 sa ciudad sang Bacolod.
Sa interview sang Bombo Radyo kay Bacolod City Mayor Greg Gasataya, ginadihon na ang tanan nga kinahanglanon nga school supplies agud mapanagtag antes paman magsugod ang klase.
Bangud luyag sang Alklade nga indi na magkabalaka ang mga ginikanan nga wala pa nakabakal sang school supplies sang ila mga kabataan.
Suno kay Gasataya, ang libre nga School Supplies kag bag ipanagtag halin kinder tubtob grade 6.
Samtang halin grade 7 to 12 makabaton naman sang sling bag kag PE Uniform.
Madumduman nga P90 million ang budget nga gin-alokar para sa libre nga school supplies sa tanan nga public schools sa Division of Bacolod City kun sa diin kapin sa 111mil ka mga estudyante ang makabenepisyo.
