Ginahulat pa sang mga kapulisan sang Kabankalan City Police Station ang resulta sang medical examination sa bangkay sang 67 anyos nga babayi nga ginlubong kahapon apang ginkuha sa patyon kaina sang aga kag gin-aligar nga ginhimuslan sa Kabankalan Public Cemetery.
Sa interview sang Bombo Radyo Bacolod kay Police Lt. Col. Raymond Cruz, hepe sang Kabankalan City Police Station, ginahulat pa ang resulta sang medical examination agud matumod kun ginhimuslan gid man ang bangkay sang 67 anyos nga babayi.
Suno kay Cruz, sa una nga paglantaw sa bangkay magahuna-huna ang makakita nga ginhimuslan ang bangkay bangud ginpaidalom na ang panapton sini apang ang resulta lamang sang medical examination ang makakumpirmar kun ini ang ginhimuslan gid man.
Suno sa hepe mahimo nga may ginpangita ang nagkuha sang bangkay gani magluwas nga ginkuha niya ini sa pantyon ginpagwa niya pa ang bangkay sa lungon.
Sa karun ginahulat pa ang medical examination agud matumod kun ginhimuslan ang bangkay samtang ginbalik naman sang pamilya sa lungon ang bangkay kag ginlubong.
