Gin-anunsyar sang Department of Social Welfare and Development (DSWD) Field Office 6 kahapon nga madayun na ang pay-out sang Assistance to Individuals in Crisis Situations (AICS) Educational Assistance bwas kag sa masunod nga Sabado.
Ini matapos nga nakabaton ang DSWD Western Visayas sang dugang nga P26 million nga pondo gikan sa DSWD Central Office.
Bangod sini, madayun na ang payout para sa mga student-in-crisis bwas, Setyembre 17 kag sa Setyembre 24.
Madumduman nga nag-anunsyar ang DSWD Field Office 6 nga wala na sang payout sa masunod nga duha ka Sabado bangod naubos na ang pondo para sa educational assistance sa Western Visayas.
Sa kabug-usan, nagdangat na sa 36,131 nga mga student-in-crisis ang nahatagan sang educational assistance sa Western Visayas nga nagdangat sa balor P101,326,000.
Gnapahanumdom nga ang mga mahimo lamang magpadulong sa distribution venue amo ang mga nakabatun sang text message ukon email kag wala sang gina-akumodar nga walk-in.
Ginapakamaayo man nga magdala sang tubig, pagkaon kag ballpen bangod indi na mahimo makagwa sa venue samtang nagapila kag wala man sang mahimo nga magsulod nga indi kabahin sa programa.
Apisar sa paghalog sang facemask mandate outdoors, ginapahanumdom nga kinahanglan gihapon ang facemask sa mga magapila para sa educational assistance samtang ginapanugyan man ang pag-obserbar sa social distancing.
