Nagpanawagan man ini sa publiko nga sundon ang mga pagsulundan sa trapiko ilabi na sa ginapatuman sa tion sang Masskara Festival subong nga tuig agud nga mangin matalunsay ang dalagan sang trapiko sa syudad sang BacNangin malinong kag matawhay ang una nga semana nga selebrasyon sang Masskara Festival 2022.
Sa interview sang Bombo Radyo Bacolod kay Police Major Ramil Sarona, station commander sang Bacolod Police Station 1, wala sang narecord ang Bacolod Police Station 1 nga insidente nga nagluntad kadungan sang una nga semana nga pagselebrar sang Masskara Festival.
Suno kay Sarona, wala man sila sang naaresto nga indibidwal nga naglapas sa bisan ano nga pagsulundan nga ginapatuman sang Masskara Foundation.
Nagapadayon man ang mga nakaandan nga police operations sang Bacolod Police Station 1 kag ginpasiguro man sini na indi apektado ang operasyon sang mga kapulisan apisar nga may yara sang ginhiwat nga activities sa area of responsibility sini nga may kahilabtanan sa Masskara Festival.
Nagpanugyan man ini sa mga pumuluyo nga ireport gilayon sa mga kapulisan kun may yara sang mga insidente agud nga marespondehan gilayon.
