Nagdangat na sa 12 ang kaso sang cholera sa Negros Occidental kun sa diin duha ang fatalities.
Sa data sang Provincial Health Office, ang ciudad sang Silay ang may lima ka mga kaso; apat naman sa EB Magalona; duha sa Talisay; kag isa sa Victorias City.
Ang mga fatalities ang ginalakipan sang isa ka pasyente sa Silay kag isa sa EB Magalona.
Suno kay Dr. Ernell Tumimbang, nakagwa na ang resulta sang napulo ka mga water samples nga ginpadala sa Research Institute for Tropical Medicine (RITM) kag isa lamang ang nakit-an nga positibo sa cholera.
Ini ang labing una nga kaso nga nagpositibo sa EB Magalona kun sa diin ang area ang malapit sa baybay.
Apisar nga indi cholera ang siyam ka iban pa nga samples, sila ang positibo naman sa acute diarrhoeal disease.
Gin-athag ni Tumimbang nga sa ang water samples lamang nga ginpadala ang wala nagpositibo sa cholera, buot silingon, sa napulo ka mga pasyente, isa lamang ang nakakuha sang balatian paagi sa tubig.
Ginalantaw sini nga ang siyam ka iban pa ang posible nga nakuha ang cholera nagikan sa iban nga sources kaangay sang pagkaon kag bacteria apang indi na matrace.
