Ginkumpirmar sang caretaker sang Sum-ag Catholic Cemetery nga amat-amat nga nagapadulong ang mga pamilya sang mga minatay nga nalubong sa nasambit nga sementeryo agud nga malimpyuhan ang pantyon sang ila himata.
Sa interview sang Bombo Radyo Bacolod kay Rolly Alib, may yara sang nagabayad agud nga palimpyuhan ang pantyon sang ila nga himata apang may yara man nga sila mismo ang nagapanglimpyo.
Nakadepende man sa nagapalimpyo ang bayad sa nagapaninlo.
Samtang ang bayad naman sa pagpapinta ang P300-P900.
Ginpahayag man sini nga ginbisitahan man sang kapulisan sang Bacolod Police Station 9 ang Sum-ag Catholic Cemetery agud nga tsekyaron samtang nagahilapit ang pagsaulog sang fiesta minatay.
Ginalauman naman nga magadugok ang mga magabisita sa syudad sa Sum-ag Catholic Cemetery bangud duha ka tuig ang wala sang face to face nga pagbisita sa sementeryo bangud sa COVID-19 pandemic.
Ginpahayag man sini nga madamo man ang nagapakalkal sang minatay kag ginasaylo sa pribado nga sementeryo.
Nagpanawagan man ini nga dapat himuon kun ano ang maayo para sa mga minatay.
