Naka-eksperyensya sang light ashfall kag baho sang asupre ang pito ka mga Barangay sa banwa sang Salvador Benedicto kasunod sa nagluntad nga moderately expolosive eruption sa Bulkan Kanlaon, alas-12:46 kahapon sang udto.
Ini ang ginlakipan sang Brgy. Igmayaan, Kumaliskis, Bunga, Pandanon, Pinowayan kag Brgy. Bago.
Santo sa Phivolcs, nagdangat sa 5-6 kilometers ang narecord nga plume nga ginbuga gikan sa baba sang Bulkan Kanlaon nga nagpadulong sa north-northeast nga direksyon.
Sa interview sang Bombo Radyo kay Rodelio Famini, Head sang Salvador Benedicto Municipal Disaster Risk Reduction and Management Office (MDRRMO), ini ang ikaduha ka beses nga sila ang naka-eksperyensya sang asfhfall sa paglupok sang bulkan sa subong nga tuig.
Samtang, wala naman sang nareport nga evacuees.
Suno kay, Famini, sumugod alas-3:00 sang hapon, napanimahuan nila ang asupre samtang indi gid ini tuman ka mabaskog.
Dugang pa, wala sila nagpatigayon sang flushing bangud manipis lamang ang ashfall.
Kasunod sini, ginpahayag ni Famini nga nagpanagtag sila sang facemask sa tanan nga mga brgy nga apektado sang ashfall.
Panugyan sang Salvador Benedicto DRRMO head sa mga pumuluyo ilabi na sa mga may asthma ukon hapo nga magsusok gid sang facemask kun maggwa sa balay bangud sa posible nga epekto sang ashfall kag baho sang asupre.
