Isa ka fetus ang nasapwan nga ginbilin sa Burgos Public Cemetery kahapon sang hapon kun sa diin ini ang nasulod sa plastic nga balunan nga nakaputos pa gid sa plastic.
Suno kay P/Maj. Ritchie Gohee, station commander sang Bacolod Police Station 4, suno sa Public Order and Safety Office (POSO) personnel nga nakastation sa sementeryo, may isa ka babayi nga nagsulod sa sementeryo antes ini ginsiraduhan kahapon, kun sa diin ini ang ginapamalhas kag kaangay nga nagadali-dali sa paggwa.
Ang babayi nga gina-alegar mahimo nagbilin sang lapsag nga lalaki nga ginabanta pito ka bulan, ang nakapanapton sang maong nga pants, itom nga jacket, naka-facemask samtang ini ang maputi, may slim body build kag ginabanta naga-edad sang 22 anyos.
Santo sa log book sang Burgos Public Cemetery ang babayi ang may pangalan nga Lovely apang indi mabasahan ang apelyido.
Sa karun, gina-imbestigaran sang Bacolod Police Station 4 kun sin-o ang nagbilin sa lapsag kag kun ini ang nahulugan ukon intentional abortion.
Paathag ni Gohee nga kun mapamatud-an nga hungod nga ginpadagdag ang bata, mahimo mapasakaan sang kaso ang may kahimuan sini.
Suno diri, madamo sang luyag makabata apang may-ara naman sang kaangay sini nga ginabaliwala lang ang kabuhi sang lapsag.
Ginalantaw sang station commander ang posibilidad nga unwanted ukon teenage pregnancy ang kabangdanan sa paghulog sang baby, gani pahanumdom sini nga mangin responsable sa ginabuhat kag ginapahanumdom nga madamo man sang contraceptive enkaso nga indi pa gid man handa nga mangin ginikanan.
