Nagpanugyan ang gobernador sa probinsya sang Negros Occidental sa mga nagatanom sang bombay nga kinahanglan sang nagakaigo nga planning agud indi magsobra ang supply samtang wala pa sang storage facilities.
Sa interview sang Bombo Radyo Bacolod kay Governor Eugenio Jose “Bong” Lacson, mahimo nga ikonsiderar sang probinsya ang storage facilities apang samtang wala pa, dapat nagaplano ang mga nagatanum kun pila ang kinanlan agud indi magsobra ang supply sa pag-abot sang harvest season.
Ginpahayag man sini nga dapat nakahibalo ang mga farmers sang sibuyas nga ang Office of the Provincial Agriculture (OPA) sa probinsya nga may mga programa ang mga ini para mabuligan ang mga farmers.
Nagpanugyan ang gobernador sa asosasyon sang mga mangunguma nga magsulat sa provincial government agud nga mahibaluan kun ano ang posisyon sang mga ini kasubong man ang commitment sa suporta sa probinsya ingkaso nga magpatindog ang probinsya sang storage facilities.
