Pagahulaton na lamang sang convenor sang Power Watch Negros ang report nga igahatag ni Bacolod City Lone District Congressman Greg Gasataya tuhoy sa congressional inquiry may kaangtanan sa power rate sang Central Negros Electric Cooperative, Inc. (CENECO) kag iban pa nga mga concern sang mga konsumedor, nga ginpatigayon kahapon.
Sa interview sang Bombo Radyo kay Wennie Sancho, wala ini nakatambong sa congressional inquiry bangud siya ang wala nakapadulong sa Manila kun sa diin ini ginhiwat.
Suno diri, para kay Gasataya, nangin mabinungahon ang congressional inquiry apang para sa ila nga mga konsumedor, ini ang kulang bangud wala sila mahatagan sang tiyansa nga makacommunicate virtually.
Ginpatigayon face-to-face apang kuntani suno sa iya, may yara man lang sang link agud makatambong sila virtually.
Subong nga adlaw, padayunon ang congressional inquiry kag ams maayo kuntani nga mahatagan sila sang access virtually agud may ihambal man ang mga ini sa mga konsumedor.
Nagasalig naman si Sancho kay Gasataya nga nakahibalo ini sang issue kag concern sang mga konsumedor nga ila luyag ipadangat.
Gintawag man sini nga irresponsable ang mga board of directors sang CENECO bangud wala ang mga ini nagtambong.
Apisar nga yara si Acting General Manager Ervin Stan Leo Ticar, suno sa iya, indi man ini makasabat sang kadalum sang problema sa electric cooperative.
Nagalaom na lamang si Sancho nga natackle ang importante nga mga topiko sa kuryente kag magahulat na lamang sa report nga igahatag ni Gasataya tuhoy diri.
