Padayon ang pagpatuman sang Bacolod City Police Office (BCPO) sang security plan ukon Oplan Ligtas sa Kapaskuhan nga nag-umpisa sang December 16 kag matapos sa January 6, 2023.
Sa interview sang Bombo Radyo Bacolod kay Police Col. Thomas Joseph Martir, director, Bacolod City Police Office, padayon ang deployment sang mga kapulisan sa pagsiguro sang siguridad sang mga nagapadulong sa simbahan para sa simbang gabi.
Suno kay Martir, matawhay ang pagpatigayon sang simbang gabi sa syudad sang Bacolod.
Ginpahayag man sini nga natalana nga magainspection ang personnel sang Bacolod City Police Office (BCPO) sa mga firecracker zone sa syudad sang Bacolod.
Nagapadayon man ang paglibot sang mga police patrols sa syudad kag tinguhaon nga masaway ang mga nagapalupok sang mga firecrackers sa ugsaran sang mga puluy-an agud nga malikawan ang firecracker related incidents.
Samtang nagalaom man ang director sang BCPO nga mahagan-hagan na ang operasyon sang makawala nga grupo kasunod sang kamatayon ni CPP-NPA Founder Joma Sison.
