Aminado ang retailer sang palupok sa ciudad sang Talisay nga ang pagsaka sang presyo sang mga firecrackers ukon palupok ang bangod sa diutay nga supply gikan sa manufacturers.
Sa interview sang Bombo Radyo kay Wilfredo Ballesteros, persidente sang Talisay Firecracker Retailers Association, bulan sang Nobyembre sang nagprocess sila sang permit kag Disyembre 10 sang sila nagsugod tukod sang mga kiosko sa kilid sang dalan, siyudad sang Talisay.
Suno kay Ballesteros, nagsaka sa P10 tubtob P15 ang presyo sang mga palupok, kasubong man nga kapin P2000 ang presyo sang ila ginabaligya nga fireworks.
Suno diri, indi lamang bangod sa mahal nga transportasyon ang rason sang pagtaas sang presyo, apang lakip na diri ang limitado nga supply sang mga firecrackers kag fireworks.
Pahayag ni Ballesteros, madutay ang supply gikan sa mga manufacturers, kasubong man nga pila-pilahon lang ang nakuha sang mga ini nga supply gikan sa Bulacan.
Sa karun ginalauman sini nga magdamo ang customer apisar sa mainulanon nga tiyempo kun sa diin sunod diri may yara sa gihapon sang nagabinakal apisar sa mahal nga presyo sang mga palupok.
Iya man gin-ingganyo ang tagsa nga magpadulong kag magbakal sang ila baligya nga suno sa iya mas barato kumpara sa iban.
Makit-an sa kada kiosko nga kumpleto ang mga kinahanglan nga gamit sa pagbaligya, ang tubg, balas kag fire extinguisher, amo man nga wala sang may mga ginabaligya nga ginabawal nga palupok.
