Wala naubos ang mga palupok sang mga retailers sa Negros Occidental kag isa sa ginalantaw nga rason amu ang paglain sang tiyempo sang Disyembre 31 sang gab-i.
Sa interview sang Bombo Radyo kay Navarro Baylon Jr., chairman sang Hinigaran Firecracker and Pyrotechnics Devices Manufacturers, Dealers and Retailers Association Incorporated, madamo pa sang nabilin nga palupok apisar nga nagtakop na ang 2022.
Suno kay Baylon, isa sa mga factor nga ila ginalantaw diri amu ang pag-ulan sa sulod sang isa ka oras sang Disyembre 31.
Suno sa iya, alas 10:00 sang gab-i na sila nakapauli sadto apang madamo pa sang nabilin nga mga firecrackers gani plano sang mga ini nga ini ang iseal sang maayo agud mabaligya pa sa masunod nga Disyembre.
Sa bahin naman sang mga manufacturers, suno sa iya, nagkalaubos kag na-out of stock pa ang ila mga baligya kag ang mga retailers lamang ang naapektuhan.
Suno diri, siya ang naanad naman sa amu sini nga kun kaisa maubos kag kun kaisa indi bangud kabahin ini sang negosyo.
