Nagalaom ang mga residente sa Barangay 4 diri sa ciudad sang Bacolod nga matapos na ang construction sang dalan sa Gatuslao Street bangud dako nga huol ang ginahatag sa ila.
Sa interview sang Bombo Radyo kay Susan Seballos, nagabaha sa lugar kun sa diin nagalutaw ang basura kun madamol ang ulan.
Suno diri, ginkaayo kuntani ang drainage system apang tuman man kadugay ang construction.
Ang construction suno sa iya ang nagsugod sang bulan sang Oktubre apang wala gihapon natapos tubtub subong.
Aminado ini nga tuman ini nga huol para sa ila ilabi na nga may mga pribado nga salakyan nga madasig magpadalagan gani nagasulod sa ila balay ang tubig.
Nagalaom ini nga kuntani makaresume ang construction sa mas madali nga panahon bangud mabudlay para sa mga estudyante sa tion nga nagabaha bagud malapit ini sa eskwelahan kag nagakapilitan ang mga ginikanan nga hakwaton nalang ang ila kabataan.
Sa tion nga mag-ulan suno sa iya, nagalinutaw lang ang basura gani nagalaom ini nga tumanon sang contractor ang ila pahayag nga tapuson ang trabaho subong nga bulan sang Enero.
Ginpanindugan sang residente nga indi solusyon ang one way scheme sa pagpahalog sang dalagan sang trapiko bangud may mga motorista nga nagasugata gihapon bisan one way ang dalan.
