Presyo sang manok sa Libertad Public Market, nagnubo sang P5 tubtob P15 ang kada kilo

Nagnubo sang P5 tubtob P15 ang kilo sang manok nga ginabaligya sa Libertad Public Market.

Sa interview sang Bombo Radyo Bacolod kay Justine Berbor, ang kilo sang manok sa karun ang mabakal sa P180.00.

Samtang ang pakpak ang mabakal sa P220 ang kilo; tungol, tinae kag dugo sang manok ang mabakal sa P110 kada kilo kag ang adidas ukon ang tiil sang manok ang mabakal sa P100 kada kilo.

Sa bulan sang Disyembre makapaubos sila sang 800 ka bilog sang manok apang sa karun nga natapos na ang holiday season makapaubos lamang sila sang 400 ka bilog sang manok kag kun kaisa indi pa ini maubos baligya.

Aminado man ini nga maninit lamang ang supply sang manok nga nagasulod sa syudad sang Bacolod agud ila ibaligya sa merkado.