Pabor ang grupo sang mga manunudlo sa ciudad sang Bacolod sa rekomendasyon sang Senate Blue Ribbon Committee nga kasuhan sang graft kag perjury charges ang mga opisyales sang DepEd kag Procurement Service sang Department of Budget and Management angot sa overpriced laptops.
Sa interview sang Bombo Radyo kay Richard Gelangre, presidente sang Bacolod City Public School Teachers Federation, ang mga ginkasuhan nga indibidwal angot sa highly overpriced laptops ang magasabat sa proper forum.
Suno diri, kun sila wala sang sala mangin klaro ang ila pangalan apang kun may yara kinahanglan nila nga sabton ang sala bangod nga kwarta sang pumuluyo ang ila nahilabtan.
Dugang pa sini, madamo sang mga manunudlo ang naga-antos sa performabnce sang mga laptop nga tuman kahinay apang ila sa gihapon ginagamit ini bangod sa kakulangan sang mag devices.
Malapit na isa ka tuig sang ginpanagtag ang mga laptop, nga may yara sang mabakod ang lawas nga tuman naman kahinay mag gana.
Ginkasubo man sini ang nabaton nga mga laptop nga naggikan sa China, nga duha tubtob tatlo lang ka bulan nila nga nagamit.
Tuig 2021 sang nag-abot ang mga ini nga sa karun pila nalang ang nabilin nga gagana.
Gani, ginahanda na lang sang mga manunudlo ang ila mga flasdrive, external hard drive, kag kasubong mna nga gina-save na lang sang mga ini ang mga files sa online storage sa kahangawa nga gilayon lang nga maguba ang laptop kag madula ang mga dokumento. Samtang, nagalaom man ang presidente sang Bacolod City Public School Teachers Federation nga mabuhin-buhinan ang load sang mga manunudlo agud nga matutukan ang pagpaalam sa mga estudyante.
Suno kay Richard Gelangre, sa idalom sang School Improvement Plan kun sa diin target ang proficiency level nga 85 porsyento sa tuig 2025.
Suno kay Gelangre, mas mataas ang ini nga target bangud dapat 85 pasaka ang grado sang tanan nga mga estudyante, bisan yara sila sa lower section.
Bangud sini, 90 porsyento sang oras sang mga manunudlo ang dapat nga yara sa classroom agud nga magtudlo sa mga estudyante.
Nagalaom si Gelangre nga maequip sang DepEd ang mga manunudlo nga malab-ot ang proficiency level kag buhinan ang class size agud nga matutukan ang mga estudyante.
Mas makabulig man suno sa iya kun madugangan ang support staff nga magabulig sa mga manunudlo agud nga makafocus sila sa klase kag mabuhinan ang paperworks.
Aminado man ini nga nagabulig pa ang DepEd sa iban nga departamento sa pagpatuman sang ila nga programa gani nagalaom si Gelangre nga ini ang mapahagan-hagan ilabi na kun tuman kadako.
Ang iban naman nga pungsod nga nagabulig sa DepEd ang nagalantaw sang kalidad sang edukasyon paagi sa assessment test gani kinahanglan nga islan ang curriculum.
Suno kay Gelangre, wala nakapoy ang mga manunudlo bangud ila ini nga ginsumpaan apang kun masami nga nagakambyo kag may madamo nga requirements sa key result areas, mabug-at na ini sa bahin sang mga manunudlo.
