Gin-isol ang mass wedding nga pangunahan sang alkalde sang Bacolod nga natalana sa Pebrero 14.
Sa interview sang Bombo Radyo Bacolod kay Office of the Civil Registrar Head Atty. Hermilo Pauyon, ginreschedule ang natalana nga mass wedding sa March 3 agud nga malab-ot 2023 ka mga couples nga tinutuyo nga pagakaslon sang alkalde subong nga tuig kag ang registration ang magatakop sa Pebrero 12.
Ang mga qualified kag handa na magpakasal nga mga couple ang mahimo lang magkadto sa tagsa sini ka mga barangay agud malakip sa listahan.
Samtang, sa mga couples naman nga nagapuyo na sang indi mag-nubo lima ka tuig kag luyag magpakasal, sila ang mahimo magpadulong sa Office of the Civil Registrar kag mag-apply sang lisensya kon luyag sini nga magpasakup sa amo nga Mass Wedding.
Ginalantaw man nga may ihatag man ang syudad sang Bacolod nga regalo sa mga ginkasal.
Posible man nga liwat maisol ang petsa sang Mass Wedding sa tion nga indi pa makuha ang target nga kadamuon sang pagakaslon nga mga couples.
