Nagdangat na sa 2053 ang mga couples nga pagakaslon sa Mass Wedding sa syudad sang Bacolod sa sini nga bulan sang Marso.
Nahibaluan nga patigayunon ini kuntani sang Pebrero 14 subong nga tuig apang gin-isol ini sa Marso 3 tubtob nga sa karun gin-isol naman kag wala pa sang final date kun san o ini patigayunon.
Suno kay Bacolod City Mayor Alfredo Benitez, wala sang kakason sa nagsobra bangud mahimo nga may magback-out sa kun ano man nga rason.
Suno kay Benitez, ginalantaw nga 15 mil ka mga tawo ang magatambong sa nasambit nga Mass Wedding.
Ginpahayag man sini nga wala pa sang petsa bangud may ginafinalize pa sa preparasyon sa mass wedding.
Suno sa alkalde indi man lahog-lahog ang pagpatigayon sang nasambit nga mass wedding.
Ginpahayag man ni Benitez, nga ang mga couples ang may pamilya man nga magatambong gani kinahanglan nga ikonsiderar ang venue.
Suno diri, may yara sang incentives ang syudad nga ihatag sa mga pagakaslon kag may yara man sila sang ginalantaw nga ihatag nga mga raffle prices.
Suno sa alkalde nakakumpirmar man si First Lady Liza Araneta Marcos nga magatambong sa mass wedding.
Ginpamangkot man ni Benitez Guinnes World Records kun may yara na sang narecord nga ginkasal nga madamo apang ang may yara pa lang ang sa lain-lain nga lugar gani ginalantaw nga mahimo makuha ini sang syudad sang Bacolod.
