Nagdangat sa 340,098 ang registered voters sa syudad sang Bacolod para sa regular voters samtang 100,446 naman para sa Sangguniang Kabataan sa palaabuton nga Barangay and Sangguniang Kabataan Elections nga natalana sa October 30, 2023.
Sa interview sang Bombo Radyo Bacolod kay Bacolod Election Officer Atty. Kathrina Trino Cana, ang pinakamadamo nga registered regular kag SK voters ang yara sa Barangay Mansilingan kun sa diin nagdangat sa 24,165 ka mga registered voters; ginsundan sang Barangay Taculing nga may yara sang 20,65; Villamonter nga may yara sang 20,089; Sincang nga may 19,799 kag Estefania nga may 19,216 registered voters.
Suno kay Cana, ang pinakamanubo naman nga registered voters ang yara sa Barangay 24 nga may 345 registered regular voters samtang 120 naman para sa Sangguniang Kabataan.
Ginalauman man ang 80 tubtob 85 percent ang voters turn-out.
May yara naman sang priority lanes para sa Senior Citizen kag vulnerable sector.
Ginpahayag man ni Caña nga diutay lang ang ginbutang nga mga botante kada precinto bangud ini ang manual election kag madugayan man ang pagcanvass sang boto bangud manual man ang proseso sang pag-isip sang boto indi kaangay sa national elections nga automated.
