Padayun nga ginabulong ang mag-amay matapos ginbuno sa Hacienda Rosario Norte, Brgy Granada, Bacolod City.
Sa interview sang Bombo Radyo Bacolod kay Police Captain Portia Nillosan, station commander sang Bacolod Police Station 5, magkaupod nga naga-inom sang makahulubog nga ilimnon ang 37 anyos nga si Elmer Abella kag ang suspect nga si Alyas Pasi, kaupod ang mga kaupdanan nila bilang tapasero sang tubo.
Tubtob nga nagbaisay ang duha sa pagtunga sang sweldo nga P200.
Suno kay Nillosan, una nga namuno ang biktima kun sa diin naigo sa abaga ang suspect, gani ini ang nagbalos kag ginbuno-buno man sa nanarisari nga bahin sang lawas si Elmer.
Kasunod sini, naglakat si Alyas Pasi agud maghulam sang motorsiklo sang mag-abot naman ang amay sang biktima nga si Joselito Abella, 52 anyos agud kuntani sugaton ang iya bata.
Suno kay Nillosan, nag-abtanay si Alyas Pasi kag ang amay sa gwaan kag didto naman ginbuno sang suspect si Joselito.
Naghingyo pa ang amay nga ini ang ila estoryahan apang ginalantaw nga bangod sa kahulugbon, wala na nagpamati ang suspect kag gindayun ang pagbuno sa amay.
Kasunod sini, ginbalikan pagid sang suspect ang una nga biktima kag liwat nga ginbuno sang makapila ka beses.
