Padayon pa ang imbestigasyon sang Cadiz City Fire Station sa nagluntad nga mga sunog sa ciudad sa besperas kag mismo sang bag-ong tuig.
Sa interview sang Bombo Radyo Bacolod kay Senior Fire Officer 4 Archie Espartero, fire marshal sang Cadiz City Fire Station duha ka sunog ang nagluntad sa ciudad sang Cadiz nga ginalakipan sang nagluntad nga sunog alas-10:00 sang gab-i, Disyembre 31 sa Lag-asan, Brgy Tinampaan kun sa diin nakaagom sang second degree burn ang isa ka babayi.
Suno kay Espartero, residential area ang nasunog kun sa diin ang damage ang nagdangat sa kapin P65,000.
Nagresponder man ang mga bombero kag aminado ang mga ini nga may kabudlayan nga malab-ot ang nasunugan nga area bangud suludlon.
Ang biktima sang sunog amo si Marby D. Ong.
Wala pa nahibaluan kun ano ang matuod nga rason sa sunog, apang sa inisyal nga paglantaw sang BFP ang sunog ang bangod sa negosyo sang biktima nga butane.
Samtang, ang structural fire naman nga nagluntad sa Barangay Sicaba ang may kahalitan nga P45,000
Lunsay mga totally damaged ang mga nasunugan.
Sa karun padayon pa nga gina-imbestigaran sang Cadiz City Fire Station ang ginhalinan sang sunog sa Barangay Sicaba.
Nagpanawagan man ini sa mga residente nga mag-aligmat kag maghalong agud malikawan ang sunog subong nga 2025.
