Wala pa gihapon maka-abot ang resulta sang DNA test nga ginpatigayon sa mga kalabera nga nasapwan sa Hacienda Garcia, Barangay Alangilan, Bacolod City.
Madumduman nga duha ka kalansay ang natukiban sang mga tapasero sang tubo sang Enero 8 nga gina-alegar babayi kag lalaki, santo sa ila nga rib cage ukon gusok.
Una naman nga may narecover nga kalabera sa nasambitan nga kampo sang Nobyembre 2024.
Bangod sini, nagpakuha sang DNA sample si Trisha Antiquera, agud mahibaluan kun ang mga ini ang gina-alegar gin-abduct sang Hulyo 2024.
Madumduman nga namissing ang live in partner ni Trisha nga si Jonel Nangan kaupod sa iya iloy nga si Lorebelle Antiquera kag live in partner sang iya iloy nga si Joem Villacoger.
Ang DNA sample ni Trisha kag gina-alegar babayi nga kalabera ang gintest kun ini gid man ang iya iloy samtang nagpakuha man sang DNA sample ang iloy ni Villacoger.
