Pila ka LGUs sa Negros Occidental nagkansela sang klase bwas bangod sa mataas nga heat index

Pila ka mga local government units sa probinsya sang Negros Occidental ang nag-anunsyar sang suspension sang klase, bwas nga adlaw bangod sa ginalauman nga mataas nga heat index.

Extended ang suspension sang klase sa ciudad sang Bacolod kag Himamaylan humalin subong nga adlaw tubtob bwas para sa tanan nga lebel sang public kag private schools.

Kanselado man ang Face to Face class sa banwa sang EB Magalona, Cauayan, Isabela, Pulupandan, ciudad sang Silay kag Victorias.