Liwat nga ginpabugal ni President Ferdinand “Bongbong” Marcos Jr. ang iya senatorial bets kag gintawag ang mga ini nga “dream team.”
Ang Alyansa para sa Bagong Pilipinas ang nagpadulong sa Bicol Region, nga kilala nga ginhalinan ni former Vice President Leni Robredo.
Sa iya speech, gindayaw sang Presidente ang bag-o nga track record sang mga kandidato.
Gin-emphasize man sang Presidente nga sila ang “one true alliance” kun sa diin nagaisa ang mga kandidato nagikan sa nagkalain-lain nga partido para sa isa ka kawsa.
Ginpahayag man sang chief executive nga tuman ka beneficial para sa iya ang magtrabaho kaupod ang mga eksperyensyado nga mga legislators sa gobyerno.
Gintapos ni Marcos Jr. ang iya speech paagi sa pagpanawagan sa mga pumuluyo nga suportahan ang bilog sini nga slate.
