Balantayan subong nga adlaw ang matabo sa Senado, bangud sa special session nga ginmando ni President Ferdinand “Bongbong” Marcos Jr. agud nga maaprubahan ang mga pending bills.
Sa interview sang Bombo Radyo Bacolod kay Atty. Jomax Ortiz, ang pamangkot sa karun kun sin-o ang magapreside sa session.
Suno kay Ortiz, mapauna-una sanday Senator Alan Peter Cayetano kag Senator Sherwin Gatchalian sa pagpungko sa Senate President seat.
Apang kun mauna si Cayetano mangin magamo ang matabo bangud indi magpasugot ang Office of Sergeant at Arms bangud controlled ini sang Gatchalian bloc, apang ginalantaw man nga magahimo sang eksena si Senator Robinhood Padilla.
Apang palamangkutanon pa kun sila ang magapakita sa session bangud ginalantaw man ang posibilidad nga ini ang ila nga iboycott.
Suno pa kay Ortiz, sa tion nga magtambong sanday Senator Joel Villanueva kag Senator Chiz Escudero, magaboto ang mga ini sa mangin Senate President gani masolbar na kun sin-o ang mapreside kag wala sang matabo nga statusquo anti-order.
Bangud sini ang gin-file sang Cayetano bloc sa Korte Suprema nga petition for certiorari ang mangin mot and academic bangud na-resolve na ang issue.
